香港傷健協會

協會動態

共融電子競技隊的義務導師Rocky Stoutenburgh的訪問全文

Rocky Stoutenburgh 現年30歲,是一位YouTuber及電子競技運動員。

十一年前,Rocky 19歲時,因意外導致頸椎以下癱瘓,他的生命從此改變。發生意外發生前Rocky 一直熱愛電子競技運動。5年前 Rocky 得到弟弟的鼓勵下,開始以嘴巴代手,借助輔助儀器 – 「Quadstick」 操作遊戲,加上意志力及不斷的鍛鍊,Rocky 已成為電子競技界中的高手。

在與Rocky的溝通中,不難發現電子競技對他的正面影響。電子競技世界裏,再沒有分傷殘或健全,他可以與任何選手公平競技。好像其他運動員一樣,他每天練習及學習,務求令自己在比賽中有超水準的發揮。電子競技是他的動力來源,推動及鼓勵他無論有多困難,都堅持自己喜歡的事情、享受現在的生活。

R: Rocky      主︰主持

主︰ Rocky, 知道你依家已經係一個有名既電競選手, 想問下你當初點樣成為電競選手?

R ︰ 2006年因意外導致頸椎以下癱瘓,很顯然,生命從此改變。變得100%依賴其他人來照顧。大部分時間都用喺醫療保健或看電視,因為輪椅上無太多事情可以做。所以點解Quadstick咁神奇!電子競技令你有目標,無論係喺比賽中獲勝定係贏得大量新朋友。家庭亦係生命中一個好好嘅支持,佢地總能夠幫助你。要成為電競選手,最好先能專注某一項遊戲,做得出色。對我自己而言,要用得好Quadstick,亦係要勤加練習同對特定嘅遊戲有好好嘅掌握。

主︰ 按你嘅經驗,你認為電競運動係咪可以幫助推動傷健共融呢?

R ︰ 關於傷健共融,電子競技可以讓傷殘人士企出嚟,以及話比其他人知,佢地同健全人士一樣熱愛哩項運動。只需要一點點額外嘅努力,就能夠做到同健全人士一樣。我一直同健全選手比賽。對我嚟講,我可以話冇輸過一場比賽,因為我每次都能吸取教訓,喺下一次比賽時應用所學到嘅嘢。喺團隊中,我同其他人一樣,唔會有特別待遇。我地就係一班朋友;一齊努力,成為一個團隊,就好似一部運行暢順既機器。

主︰ 除左進行電競同練習, 有冇其他活動你會建議我地既會員係訓練期間做呢?

R ︰ 咗同團隊進行比賽外,你哋亦可以好似朋到友咁一齊吓去,因為你們會一度過多時間。溝通一個團隊最重要事情,如果團隊每個人都有共同目標同步伐,勝出比賽機會會增加。一個團隊訓練好方法係讓每一個人輪流團隊中擔任決策者,同以同一個團隊去玩其他不同嘅遊戲,了解大家嘅偏好習慣另外休息同注意健康係十分重要

主 ︰ 最後一條問題,你有冇咩說話想同我地共融電競隊既隊員講呢?

R  ︰   最緊要做嘅事就係好玩、享受過程!作為教練我會話哩樣肯定係首要目標。如果你唔享受,你會好難持續訓練同努力嘗試。所以我地需要正面嘅想法同決心。有人話:多下苦工嘅人終會打敗有天份但唔努力嘅人。我以哩個說法為座右銘。希望哩想法亦都鼓勵到你去努力,因為訓練係喺電競同生活上,令我地進步嘅關鍵。